Χαιρετισμοί Αγίων Ραφαήλ και Νικολάου και Παρθενομάρτυρας Ειρήνης

Εις τους εν Θερμή της Μυτιλήνης Αγίους Ιερομάρτυρας Ραφαήλ και Νικόλαον και την Παρθενομάρτυρα Ειρήνην.

Ποίημα Γερασίμου Μοναχού Μικραγιαννανίτου.

(Διαβάζεται σε κάθε περίστασιν)

Τον Ραφαήλ τον θαυμαστόν Ιερομάρτυρα

συν Νικολάω και Ειρήνη ανυμνήσωμεν

Τους πλουσίως δοξασθέντας παρά Κυρίου'

Εν Θερμή γαρ ως αστέρες ημίν ώφθησαν

Και πυρσεύουσιν απαύστως θείοις θαύμασι

τους κραυγάζοντας, Αθληταί Χριστού χαίρετε.

’θλησιν μακαρίαν, ανενδότω καρδία, ηθλήσατε τριάς των μαρτύρων (εκ γ')

Ραφαήλ συν τω Νικολάω και Ειρήνη τυράννους καταισχύνοντες'

διό ημάς γεραίροντες, ομοφώνως υμίν βοώμεν

χαίρετριάς στερρών Αθλοφόρων

χαίρε πλειάς Χριστού θεραπόντων
Χαίρε θεοφόρε Ραφαήλ θεόληπτε
χαίρε, νικηφόρε θεόφρον Νικόλαε
Χαίρε, Μάρτυς ειρηνώνυμε παρθενίας η λαμπάς
χαίρε, τρίστιχε συνέλευσις και αθλητική τριάς
Χαίρε, όμιλε θείς τρισαυγών Αθλοφόρων
χαίρε, κλέος και δόξα ευσεβών Ορθοδόξων
Χαίρε, σύστημα θείον τριστέλεχον
χαίρε, ευσεβών καύχημα ένθεον
Χαίρε, χορός τρισαρίθμων Μαρτύρων
χαίρε, ομότιμε πάντων Αγίων
Χαίρετε ’γιοι Μάρτυρες

Βίον έχοντες θείον, την ορμήν των απίστων, υπέστητε
προθύμω καρδία' και κεκρυμμένοι χρόνοις πολλοίς, άρτι
παραδόξως εφανερώθητε, ω Αθληταί τρισάριθμοι,
εκπλήττοντες τους εκβοώντας.

Αλληλούια.

Γνώμη ανδρειοτάτη, Ραφαήλ καθυπέστης, εχθρών την
μανιώδη κακίαν· και ποικιλοτρόπως αικισθείς, μαρτυρικής
ευκλείας κατηξίωσαι' διό την καρτερίαν σου, θαυμάζοντες αναβοώμεν
Χαίρε, η στήλη της καρτερίας
χαίρε, η πτώσις της δυσσεβείας
Χαίρε, της Ιθάκης βλαστός ιερώτατος
χαίρε, των Μαρτύρων εν πάση ομότροπος
Χαίρε, μύστης ενθεώτατος της αγάπης Του Χριστού
χαίρε, στύλος αρραγέστατος του θεόφρονος λαού
Χαίρε, ότι Κυρίω ολικώς ανετέθης
χαίρε, ότι του κόσμου των τερπνών απανέστης
Χαίρε, Χριστού θεράπων θερμότατος
χαίρε, πιστών ατίνακτος πρόβολος
Χαίρε, ζωής εναρέτου πυξίον
χαίρε, Φωτός ουρανίου δοχείον
Χαίρε Ραφαήλ αξιάγαστε

Δύναμιν ουρανίαν, έσχηκας εν τω λόγω, ως πλήρης
θεϊκής επιπνοίας, του Ευαγγελίου Χριστού, περιφανής
διδάσκαλος εχρημάτισας, Ραφαήλ παναοίδιμε, πάντας
διεγείρων κραυγάζειν'

Αλληλούια.

Ελλαμψιν ευσεβείας, έσχηκας εν καρδιά, Νικόλαε,
Ραφαήλ τοις λόγοις, και διακονήσαι ως εικός τη Εκκλησία,
Χριστού προκεχείρισαι· διό σε μακαρίζοντες,
αναβοώμεν σοι'
Χαίρε, τρωθείς Χριστού τη αγάπη
χαίρε, δειχθής θεόφρων εν πάση
Χαίρε, ιερών Διακόνων σελάγισμα
χαίρε, θαυμαστών Αθλοφόρων ωράϊσμα
Χαίρε, τύπος και γεώργιον Ραφαήλ του ιερού
χαίρε, όσιος Διάκονος Εκκλησίας Του Χριστού
Χαίρε, Θεσσαλονίκης ενθεώτατον αύχος
χαίρε, αθανασίας ευωδέστατον άνθος
Χαίρε, φθαρτών απάντων υπέρτερος
χαίρε, χορού Μαρτύρων συμμέτοχος
Χαίρε, Χριστού ιερώτατον θύμα
χαίρε, εχθρού καιριώτατον πήμα
Χαίρε Μάρτυς Νικόλαε

Ζων ενάρετον βίον, ως διάκονος θείος, υπέστης την
ορμήν των βαρβάρων, και ήθλησας εν Θερμή καλώς,
αθλητικώς Νικόλαε δεδόξασαι, τω σε ενδυναμώσαντι,
συν Αθληταίς Μάρτυς κραυγάζων·

Αλληλούια.

Ηθλησας στερροψύχως, ως νεάνις θεόφρον, Ειρήνη
μακαρία Παρθένε' και τυρρανικήν Μάρτυς οφρύν,
φαυλίσασα Κυρίω προσενήνεξαι, θυσία ως ευσπρόδεκτος,
ακούουσα παρ' ημών ταύτα·
Χαίρε, αλάβαστρον της αγνείας
χαίρε, κατάπτωσις της κακίας
Χαίρε, αιωνίου ειρήνης επώνυμος
χαίρε, Αθληφόρων αγίων ομόσκηνος
Χαίρε, κρίνον το μυρίπνοον της Αγάπης Του Χριστού
χαίρε, ξίφος το αμφίστομον κατ' οφρύος του εχθρού
Χαίρε, των νεανίδων εγκαλλώπισμα θείον
χαίρε, της παρθενίας ευωδέστατον ίον
Χαίρε, Χριστού αμνάς καλλιπάρθενε
χαίρε, Φωτός αϋλου ανάπλεως
Χαίρε, Χριστού πανακήρατος νύμφη
χαίρε, πιστών θεοβράβευτος νίκη
Χαίροις Ειρήνη πάνσεμνε.

Θυμόν ήνεγκας Μάρτυς, επελθόντων βαρβάρων, εν
απαλώ σώματι Ειρήνη, και εν όψει του σου πατρός, το
φρικτόν καθυποστάσα μαρτύριον, μαρτυρικής ηξίωσαι,
ευκληρίας αναβοώσα·

Αλληλούια.

Ίταμότητι πλείστη, Ραφαήλ των τυράννων, αντετάξω
την σην καρτερίαν, και δια πρίονος τον σκληρόν, θάνατον
υπέμεινας παναοίδιμε, εκπλήττων τους ορώντας σε,
και στηρίζων τους εκβοώντας'
Χαίρε, το κλέος των Ιερέων
χαίρε, το γέρας των Μοναζόντων
Χαίρε, θαυμαστής καρτερίας υπόδειγμα
χαίρε, ψυχικής παρρησίας διάγραμμα
Χαίρε, λύχνος φαεινότατος Μοναστών των της Θερμής
χαίρε, στήριγμα θεόσδοτον ευσεβών εν τοις δεινοίς
Χαίρε, ότι υπέστης ανυποίστους βασάνους
χαίρε, ότι εκτρέπεις τους αθέους τυράννους
Χαίρε, ηθών αμέμπτων διδάσκαλε
χαίρε, πολλών χαρίτων ανάμεστε
Χαίρε, πηγή σωτηρίων θαυμάτων
χαίρε, ροή ψυχοτρόπων ναμάτων
Χαίροις Ραφαήλ αξιάγαστε.

Κεκρυμμένος τυγχάνων, εν Θερμή πολλοίς χρόνοις,
υπό γην Ραφαήλ θεοφόρε, θαυμαστώς εγνώσθης τοις πιστοίς,
εν όψεσι και σημείων δυνάμεσι, και καταπλήττεις
άπαντες, τοις σοις θαύμασι τους βοώντας.

Αλληλούια.

Λάμπων θεοσεβείαις, Νικόλαε ωράθης, εκφαίνων ήνπερ
έσχηκας δόξαν' ένθεν τον τάφον Μάρτυς τον σον, οι
ευσεβείς ευρόντες Θεόν ήνεσαν, και χάριν αρυόμενοι,
βοώσε σοι εν ευφροσύνη.

Χαίρε, διάκονε Του Κυρίου
χαίρε, αντίπαλε του δολίου
Χαίρε, ο νικήσας τυράννων την ένστασιν
χαίρε, ο πλουτήσας Αγγέλων την έλλαμψιν
Χαίρε, Μάρτυς ακαθαίρετος του παντάνακτος Χριστού
χαίρε, πτώσις και εκνεύρισις του αλάστορος εχθρού
Χαίρε, ότι Μαρτύρων διανύεις τον δρόμον
χαίρε, ότι Κυρίου μεγαλύνεις τον λόγον
Χαίρε, πιστών θεόσδοτον καύχημα
χαίρε, ημών το θείον διάδημα
Χαίρε, χοροίς συναφθείς των Μαρτύρων
χαίρε, χαράς μετασχών των αγίων
Χαίροις Μάρτυς Νικόλαε

Μαρτυρίου τον δρόμον, διανύσας θεόφρον, ετέλεις
υπό γην πολλοίς χρόνοις, Νικόλαε μάκαρ εν Θερμή,
και αρτίως θαυμαστώς πεφανέρωσαι διό σου προσερχόμενοι,
τοις λειψάνοις πιστώς βοώμεν

Αλληλούια.

Νεκρωθείσα Ειρήνη, εν βιαίω θανάτω, μετέστης προς
αθάνατον δόξαν, και εν τω Νυμφώνι της Ζωής την του Σωτήρος
ορώσα λαμπρότητα, υπέρ ημών ικέτευε, των εκβοώντων σοι, θεόφρον
Χαίρε, νεάνις Χριστού αγία
χαίρε, παρθένος η μακαρία
Χαίρε, του πυρός ενεγκούσα την έκκαυσιν
χαίρε, των εχθρών καθελούσα την ένστασιν
Χαίρε, νύμφη πανακήρατε του Παντάνακτος Χριστού
χαίρε, μύρον το νοούμενον βίου του παρθενικού
Χαίρε, ότι Μαρτύρων τους αγώνας υπήλθες
χαίρε, ότι προς δόξαν των Αγγέλων ανήλθες
Χαίρε, οσμή αγνείας πανεύοσμος
χαίρε, κλεινών Μαρτύρων συνέστιος
Χαίρε, τρυφής η μετέχουσα θείας
χαίρε, Ζωής κοινωνούσα αγίας
Χαίροις Ειρήνη πάνσεμνε

Ξενωθείσα των κάτω, μακαρία Παρθένε, Ειρήνη
τοις χοροίς των Αγγέλων, συνήφθης τελέσασα στερρώς,
τον αγώνα τον καλόν καλλιπάρθενε, συν Ραφαήλ και Νικολάω,
προσάδουσα τω Κυρίω·

Αλληλούια.

Ολος δεδοξασμένος, Ραφαήλ, καθοράσαι, καθ' ύπαρ
εν Θερμή παραδόξως, συν Νικολάω και Ειρήνη,
και πανταχού ενεργείς εν τοις θαύμασι, ιώμενος τους πάσχοντας,
και βοηθών τοις εκβοώσι.
Χαίρε, ο μέγας εν θαυμασίοις
χαίρε, ο ένδοξος εν αγίοις
Χαίρε, ο το πάλαι αθλήσας στερρότατα
χαίρε, ο αρτίως φανείς ενθεώτατα
Χαίρε, ενεργών τοις θαύμασιν πανταχού υπερφυώς
χαίρε, χορηγών τοις άπασι τας αιτήσεις θαυμαστώς
Χαίρε, ότι κατ' όναρ και καθ' ύπαρ οράσαι
χαίρε, ότι ενθέως υπ' αξίων θεάσαι
Χαίρε, πολλών τα πάθη ιώμενος
χαίρε ημών προστάτις και πρόμαχος
Χαίρε, Μονής Καρυών δαδουχία
χαίρε, Θερμής θεϊκή ευκοσμία
Χαίροις Ραφαήλ αξιάγαστε.

Πλείστοις Πάτερ ωράθης, εκπληρών τας αιτήσεις,
και νέμων θεϊκήν ευφροσύνην' διό εν Θερμή τη
ση σορώ, πανταχόθεν οι ευσεβείς συρρέουσι,
Ραφαήλ ανυμνούντες σε, και εκβοώντες τω Σωτήρι·

Αλληλούια.

Ρώμην την θείαν έχων, Νικόλαε υπήλθες νομίμως,
Μαρτυρίου το σκάμμα, και παρά Κυρίου δοξασθείς,
εν Θερμή το σον σκήνος απεκάλυψας, τοις πόθω σοι γεραίρουσι,
και εκβοώσι σοι προθύμως·
Χαίρε, ο θείος εν διακόνοις
χαίρε, ο Μάρτυς εν Αθλοφόροις
Χαίρε, των αρχαίων Μαρτύρων ισότιμος
χαίρε, των Αγίων απάντων ομότιμος
Χαίρε, ένδοξε Νικόλαε νίκη πάντων των πιστών
χαίρε, βάσις και εδραίωμα ευσεβών χριστιανών
Χαίρε, ότι εδέξω αφθαρσίας το στέφος
χαίρε, ότι παρέχεις τοις τιμώσι σε σθένος
Χαίρε, Χριστού πιών το ποτήριον
χαίρε, ημών το θείον προσφύγιον
Χαίρε, εχθρού απαμβλύνας τα κέντρα
χαίρε, πιστών καταυγάζων την φρένα
Χαίροις Μάρτυς Νικόλαε.

Σύσκηνος των Αγγέλων, και Μαρτύρων τυγχάνων,
μετά Ραφαήλ και της Ειρήνης, Νικόλαε Μάρτυς του Χριστού,
συν αυτοίς υπέρ ημών, αεί πρέσβευε, ως αν δεινών ρυσθείημεν,
οι ομοφρόνως εκβοώντες.

Αλληλούια.

Το ακήρατον κάλλος, του Νυμφίου ορώσα, εις τας
επουρανίους σκηνώσεις, συν τοις τοκεύσι σου σεπτοίς,
Ειρήνη Παρθενομάρτυς αήττητε, συν αυτοίς Χριστώ πρέσβευε,
υπέρ ημών των εκβοώντων·
Χαίρε, το κρίνον της ευσεβείας
χαίρε, το σκεύος της παρθενίας
Χαίρε, ευωδίας της θείας θησαύρισμα
χαίρε, καλλινίκων παρθένων απάνθισμα
Χαίρε, μύρον πολυσύνθετον πολιτείας της σεπτής
χαίρε, άρωμα ουράνιον χάριτος αθλητικής
Χαίρε, ότι την άνω θείαν δέδεξαι ρώμην
χαίρε, ότι τον μέγαν κατεπάλαισας όφιν
Χαίρε, Χριστού ευώδες οσφράδιον
χαίρε, σεπτόν και άγιον σφάγιον
Χαίρε, σεμνή αηδών Αληθείας
χαίρε λαμπρά λαμπηδών αφθαρσίας
Χαίροις Ειρήνη πάνσεμνε,

Υμνοις επινικίοις, Αθληφόρε Ειρήνη, υμνούμεν σου
την άθλησιν Μάρτυς' ότι εν σώματι απαλώ, τον αρχαίον
κατεβέβληκας δράκοντα, και νίκης διαδήματι, κοσμηθείσα
Κυρίω ψάλλεις·

Αλληλούια.

Φωτοφόρος ως λύχνοι, αναφθέντες εν Λέσβω εφάνητε
αρτίως τω κόσμω, και θαυμάτων ταις μαρμαρυγαίς,
καταπυρσεύετε πιστών τα πληρώματα, Αθλοφόροι τρισάριθμοι'
διό πιστώς υμίν βοώμεν'
Χαίρε, Μαρτύρων τριττή χορεία
χαίρε, της Λέσβου φωταγωγία
Χαίρε, Αθλοφόρων χορός ο τριστέλεχος
χαίρε, ασεβείας απάσης ο έλεγχος
Χαίρε, σύστημα τρισάριθμον του Σωτήρος κοινωνοί
χαίρε, όμιλος θεόπλοκος ευσεβούντων οδηγοί
Χαίρε, εκ τρισηλίου φωτισμού δαδουχία
χαίρε, θείων Μαρτύρων θεοφόρε χορεία
Χαίρε, τριάς Τριάδος υπέρμαχοι
χαίρε, πιστών φωστήρες υπέρτιμοι
Χαίρε, Ραφαήλ συν τω Νικολάω
χαίρε, Ειρήνη γυναίων κάλλος
Χαίρετε Μάρτυρες ένδοξοι

Χαίροντες εν υψίστοις, Ραφαήλ και Ειρήνη, ομού συν
Νικολάω τω θείω, και πάσι τοις εν ταις Καρυαίς, αθλητικώ
τέλει εχθρόν αισχύναντες, δια παντός πρεσβεύετε,
υπέρ ημών των εκβοώντων·

Αλληλούια.

Ψάλλοντες συν Αγγέλοις, τον τρισάγιον ύμνον,
Τριάδι τη Αγία απαύστως, ικετεύσατε υπέρ ημών, ως αν
κινδύνων Μάρτυρες και θλίψεων, ρυώμεθα εκάστοτε,
οι ομοφώνως εκβοώντες·
Χαίρε, χορεία δεδοξασμένη
χαίρε, Αγγέλοις η συνημμένη
Χαίρε, Ραφαήλ Αθλητά ιερώτατε
χαίρε, νικηφόρε θεόφρον Νικόλαε
Χαίρε, Μάρτυς ειρηνώνυμε, ω Ειρήνη θαυμαστή
χαίρε, σύλλογε τρισάριθμοι Μυτιλήνης αρωγοί
Χαίρε, η συναυλία των τριττών Αθλοφόρων
χαίρε, η τριπλασία Αθλητών νικηφόρων
Χαίρε, Χριστού τριόροφον οίκημα
χαίρε, τρισσών Μαρτύρων το σύστημα
Χαίρε, ημών, ω τριάς θυμηδία
χαίρε, τριών Αθλητών συστοιχία
Χαίρετε Μάρτυρες ένδοξοι

Ω τριάς μακαρία των κλεινών Αθληφόρων Ραφαήλ
Νικόλαε και Ειρήνη, τη Αγία Τριάδι αεί, υπέρ ημών
ικεσίας προσφέρετε, ως αν της άνω λήξεως, επιτύχωμεν οι
βοώντες·

Αλληλούια.

Τον Ραφαήλ τον θαυμαστόν Ιερομάρτυρα
συν Νικολάω και Ειρήνη ανυμνήσωμεν
τους πλουσίως δοξασθέντας παρά Κυρίω
εν Θερμή γαρ ως αστέρες ημίν ώφθησαν
και πυρσεύουσιν απαύστως θείοις θαύμασιν
τους κραυγάζοντας, Αθληταί Χριστού χαίρετε.

Απολυτίκιον των Αγίων

Ελ Λέσβω αθλήσαντες υπέρ Χριστού του Θεού αυτήν ηγιάσατε,
τη των λειψάνων υμών ευρέσει μακάριοι.
Όθεν ημάς τιμώμεν, Ραφαήλ θεοφόρε άμα συν Νικολάω και
Παρθένω Ειρήνη, ως θείους ημών προστάτας και
πρέσβεις προς Κύριον

Έτερον του Αγίου Ραφαήλ

Της Ιθάκης τον γόνον και της Λέσβου το καύχημα
Οσιομαρτύρων την δόξαν Ραφαήλ ευφημήσωμεν πιστοί'
αρτίως γαρ ημίν φανερωθείς ιάματα πηγάζει τοις πιστοίς
και καθ' όναρ και καθ' ύπαρ υπερφυώς οπτάνεται τοις κράζουσι.
Δόξα τω σε δοξάσαντι Θεόν, δόξα τω σε θαυματώσαντι,
δόξα τω ενεργούντι δι εσού ημίν πάσιν ιάματα.

Χαιρετισμοί του Αγίου Νεκταρίου (Γερασίμου Μικραγιαννανίτου)

ΠΡΟΟΙΜΙΟΝ
Ήχος πλ. δ'. Τη υπερμάχω.
Ορθοδοξίας τον αστέρα τον νεόφωτον, και Εκκλησίας το νεόδμητον προτείχισμα, ανυμνήσωμεν καρδίας εν ευφροσύνη δοξασθείς γαρ ενεργεία τη του Πνεύματος, αναβλύζει ιαμάτων χάριν άφθονον, τοις κραυγάζουσι•

Χαίροις, Πάτερ Νεκτάριε.

Άνθρωπος ουρανόφρων, ανεδείχθης εν κόσμω, Νεκτάριε Χριστού Ιεράρχα (εκ γ') (Άγιε Ιεράρχα του Χριστού, πρέσβευε υπέρ ημών) ζωήν γαρ οσίαν διελθών, ακέραιος, όσιος και θεόληπτος, εν πάσιν εχρημάτισας• εντεύθεν παρ’ ημών ακούεις:

Χαίρε, δι’ ου οι πιστοί υψούνται•
χαίρε, δι’ ου οι εχθροί θαμβούνται.
Χαίρε, της σοφίας κρατήρ ο χρυσότευκτος•
χαίρε, της κακίας πρηστήρ ο νεότευκτος.
Χαίρε, οίκος αγιώτατος ενεργείας θειϊκής•
χαίρε, βίβλος θεοτύπωτος πολιτείας της καινής.
Χαίρε, ότι αρτίως ημιλλήθης αγίοις•
χαίρε ότι εμφρόνως εχωρίσθης της ύλης.
Χαίρε λαμπρόν της πίστεως τρόπαιον•
χαίρε, σεπτόν της χάριτος όργανον.
Χαίρε, δι' ου Εκκλησία χορεύει•
χαίρε, δι' ου νήσος Αίγινα χαίρει.
Χαίροις, Πάτερ Νεκτάριε.

Βλέμματι διανοίας, έτι ων νεανίας, κατώπτευσας την θείαν ακτίνα, υφ' ης καταλαμφθείς την ψυχήν, τω φωτί των θείων εντολών όσιε, ηρετίσω πορεύεσθαι, εκ νεότητος Χριστώ ψάλλων
Αλληλούια

Γέγονας εν τη πόλει, Κωνσταντίνου θεόφρον, τω θείω ιθυνόμενος φόβω εν η τα κρείττονα μελετών, φρονήσεως θείας έμπλεως πέφηνας, ευφραίνων εν τοις λόγους σου τους εκβοώντάς σοι τοιαύτα:

Χαίρε, το κλήμα της αφθαρσίας•
χαίρε, το νέκταρ της αμβροσίας.
Χαίρε, του Σωτήρος θεράπον θεόληπτε•
χαίρε, των πατέρων των πάλαι ομότροπε.
Χαίρε, πέτρα νεοσμίλευτος νοητής οικοδομής•
χαίρε, στέφος τό νεόπλοκον Εκκλησίας της σεπτής.
Χαίρε, ότι εφάνης ως νεόδρεπτον ρόδον•
χαίρε, ότι εδείχθης ως θεόδεκτον δώρον.
Χαίρε, αστήρ ο νέος της πίστεως•
χαίρε, λαμπτήρ της δόξης του κτίσαντος.
Χαίρε, ηθών ουρανίων ταμιείον•
χαίρε, σεπτών αρετών εκμαγείον.
Χαίροις, Πάτερ Νεκτάριε.

Δόξαν την της σοφίας, ολοτρόπως ποθήσας, και ταύτην εκ παιδός εκιτήσας, τον Χριστόν ικέτευες τυχείν, του καλλίστου εφετού θερμοίς δάκρυσι, και τυχών της εφέσεως, Νεκτάριε πιστώς εβόας•
Αλληλούια

Εύφρανας την ψυχήν σου, ως οι πάλαι πατέρες Βασίλειος συν τω Γρηγορίω, παιδευμάτων τη κτήσει σαφώς, εν Αθήναις μαθητεύσας Νεκτάριε διό τοις σοις χαρίσμασιν, ηδόμενοι σοι εκβοώμεν:

Χαίρε, φωτός ουρανίου τέκνον•
χαίρε, τερπνόν ευσέβειας δένδρον.
Χαίρε, της του κόσμου απάτης υπέρτερος•
χαίρε, τη μεθέξει του κρείττονος ένθεος.
Χαίρε, νους ο θεοφόρητος πλήρης θείων εννοιών•
χαίρε, άνθραξ θείου Πνεύματος πυρ ανάπτων νοερόν.
Χαίρε, ότι αμέμπτως την ζωήν διανύεις•
χαίρε, ότι την πλάνην του Βελίαρ εκλύεις.
Χαίρε, Χριστού δεχθείς την αγάπησιν•
χαίρε, καλών ενέγκας την άνθησιν.
Χαίρε, πιστών νεοστήρικτον έρκος•
χαίρε, εχθρών καιριώτατον βέλος.
Χαίροις, Πάτερ Νεκτάριε.

Ζήλω θείω θεόφρον, των οσίων πατέρων, ποθήσας τον Ισάγγελον βίον εν Χίω ημφιάσω σεπτώς, των μοναχών το σχήμα το ουράνιον, και τον εχθρόν εγύμνωσας, εν τω ψάλλειν αεί Κυρίω:
Αλληλούια

Ήκουσε προσευχής σου, ο Δεσπότης εξ ύψους, βοήσαντος αυτώ εκ καρδίας, και επέταξε τη θαλάσση και έστη εις αύραν ο κλύδων όσιε, θαυμάσαντες δε άπαντες, οι σωθέντες πιστώς εβόων:

Χαίρε, Θεού ο θείος θεράπων•
χαίρε, πηγή ποικίλων θαυμάτων.
Χαίρε, Εκκλησίας φωστήρ ο νεόφωτος•
χαίρε των αγίων απάντων ισότιμος.
Χαίρε, σκεύος πολυτίμητον ουρανίων δωρεών•
χαίρε, κήπος ο νεόβλαστος μακαρίων αρετών.
Χαίρε, ότι θαλάσσης κατευνάζεις τον σάλον•
χαίρε, ότι τω λόγω απελέγχεις παν φαύλον.
Χαίρε Χριστού το νέον εκλόγιον•
χαίρε, ηθών οσίων γεώργιον.
Χαίρε, ζωής θιασώτης οσίας•
χαίρε, χαράς βραβευτής ουρανίας.
Χαίροις, Πάτερ Νεκτάριε

Θαυμαστός ανεδείχθης εν εσχάταις ημέραις, εν βίω ιεράρχα αγίω, των πάλαι αγίων την ζωήν, χαρακτηρίσας εμφανώς τοις τρόποις σου, και δοξασθείς τοις θαύμασι, κινδύνων σώζεις τους βοώντας:
Αλληλούια

Ιεράρχης θεόφρων, εκλογή θεοκρίτω εδείχθης αληθώς εν Αιγύπτω, και της Πενταπόλεως ποιμήν, κατά Παύλον τον μέγαν ώφθης ένθεος• διό την πολιτείαν σου, εθαύμαζον πιστοί βοώντες:

Χαίρε, ο ένθους τη πολιτεία•
χαίρε, ο τύπος τη ευσεβεία.
Χαίρε, των οσίων πατέρων εφάμιλλος•
χαίρε, ιερέων ο νέος διάκοσμος.
Χαίρε, σκήνωμα πραότητος και αγάπης θησαυρός•
χαίρε, ιλαρότητος και ελέους χορηγός.
Χαίρε, ότι εφάνης Εκκλησίας λαμπρότης•
χαίρε, ότι τυγχάνεις ευσεβούντων φαιδρότης.
Χαίρε, εικών αρίστης βιώσεως•
χαίρε, τυχών σαφώς της θεώσεως.
Χαίρε, κανών της αρχιερωσύνης•
χαίρε, λαμπτήρ της θεορρημοσύνης.
Χαίροις, Πάτερ Νεκτάριε

Κόσμος της εν Αιγύπτω, Εκκλησίας ωράθης, ως του ευαγγελίου εργάτης• εντεύθεν των πιστών οι χοροί, υφηγητήν σε θείον Πάτερ κτησάμενοι, τα κρείττω επαιδεύοντο, βοώντες συν σοι τω Κυρίω:
Αλληλούια

Λάμψας εν τη Ελλάδι, ως Απόστολος άλλος, λαμπρύνεις ευσεβών τας καρδίας, τω φέγγει των θείων διδαχών, και ταις ακτίσι του βίου σου όσιε• διό τη ση λαμπρότητι, φωταγωγούμενοι βοώμεν•

Χαίρε, το άστρον της Εκκλησίας•
χαίρε η σάλπιγξ της αληθείας.
Χαίρε, Αποστόλων τον ζήλον κτησάμενος•
χαίρε, ιαμάτων την χάριν δεξάμενος.
Χαίρε, ρήτωρ ενθεώτατος των ρημάτων της ζωής•
χαίρε, λόγου του της χάριτος ο σοφός υφηγητής.
Χαίρε, ότι καθαίρεις ψυχικάς διαθέσεις•
χαίρε, ότι ρυθμίζεις καρδιών τας εφέσεις.
Χαίρε, πιστών ο μέγας διδάσκαλος•
χαίρε, Χριστού ο μύστης ο άριστος.
Χαίρε, πολλούς πειρασμούς υπομείνας•
χαίρε, ψυχάς προς Θεόν οδηγήσας.
Χαίροις, Πάτερ Νεκτάριε

Μέγας εν ιεράρχαις, και σοφοίς διδασκάλοις, ως μύστης ταπεινώσεως ώφθης• διόπερ ως κλήρον πατρικόν, τας σας θεογράφους δέλτους κατέλιπες τη Εκκλησία άγιε, εν αις πιστώς εντρυφώντες, τω σε δοξάσαντι βοώμεν.
Αλληλούια

Νέκταρ δικαιοσύνης, και ζωής θείας δρόσον, τη θεία επομβρία θεόφρον, οία νεφέλη πνευματική, εν αυχμώδει καιρώ ημίν επωμβρήσας• ευφραίνων τας ψυχάς ημών, και διεγείρων του βοάν σοι:

Χαίρε, η δρόσος της θυμηδίας•
χαίρε, η αύρα της αφθαρσίας.
Χαίρε, ο πηγάσας το ύδωρ της χάριτος•
χαίρε, ο εμφράξας το στόμα του δράκοντος.
Χαίρε, έαρ αγιότητος εν χειμώνι νοητώ•
χαίρε, σέλας νεοφώτιστον εν τω σκότει τω δεινώ.
Χαίρε, ότι συγχέεις ασεβών τας εννοίας•
χαίρε, ότι ευφραίνεις ευσεβών τας καρδίας.
Χαίρε, λαών ορθοδόξων στήριγμα•
χαίρε, πολλών κακοδόξων σύντριμμα.
Χαίρε, χορών κενολόγων η πτώσις•
χαίρε, πολλών ασθενούντων η ρώσις.
Χαίροις, Πάτερ Νεκτάριε

Ξένα θαύματα πάτερ, η ση θήκη πηγάζει, και σώζει τους εν πόνοις τελούντας• διό τη ση αγία Μονή πανταχόθεν συρρέουσιν άνθρωποι, και λύτρωσιν, κομίζονται παρά σου βοώντες:
Αλληλούια

Όρμον άκλυστον πάτερ, εν τη νήσω Αιγίνης, ανέδειξας την θείαν Μονήν σου, και εν ταύτη σεπτών μοναστριών κυβερνήτης σοφός εχρημάτισας• Χριστώ γαρ ταύτας όσιε, σοφώς ωδήγησας βοώσας:

Χαίρε, ο νους ασκήσεως θείας•
χαίρε, αδάμας της καρτερίας.
Χαίρε, ταπεινώσεως έμψυχον άγαλμα•
χαίρε, καθαρότητας θείον θησαύρισμα.
Χαίρε, απαθείας έσοπτρον και αγνείας λαμπηδών•
χαίρε, εγκράτεια τέμενος και ταμείον αρετών.
Χαίρε, ότι διέπεις εν Θεώ την Μονήν σου•
χαίρε, ότι παρέχεις πάσι την αρωγήν σου.
Χαίρε, λαμπρός της Αιγίνης έφορος•
χαίρε, πιστών αντιλήπτωρ έτοιμος.
Χαίρε, πολλούς εκ κινδύνων αρπάσας•
χαίρε, εχθρού την οφρύν κατασπάσας.
Χαίροις, Πάτερ Νεκτάριε.

Πλήρης χάριτος θείας και οσμής ουρανίας, η θήκη των λειψάνων σου πέλει, εν οις ου μόνον η ση Μονή, αλλά και πάσα η Αίγινα γάνυται, και πάντες αγιάζονται, τη τούτων χάριτι βοώντες:
Αλληλούια

Ρείθρα βλύζουσι θεία, τα σεπτά σου οστέα, πλούσια δωρεά ουρανία, ιαμάτων εσαεί πολλών, και νοσημάτων τον ρύπον εκπλύνουσι διό σου εκπληττόμενοι, ην εύρες δόξαν εκβοώμεν:

Χαίρε, το ρείθρον των ιαμάτων•
χαίρε η λύσις των νοσημάτων.
Χαίρε, πανταχού ο προφθάνων καλούμενος•
χαίρε, ο κατ' όναρ και ύπαρ φαινόμενος.
Χαίρε, βρύσις η πολύρρυτος συμπαθείας πατρικής•
χαίρε βότρυς ο γλυκύτατος ευφροσύνης ψυχικής.
Χαίρε, ότι καρκίνου χαλεπόν παύεις πάθος•
χαίρε, ότι δαιμόνων καταλύεις το θράσος.
Χαίρε, σοφών ματαίων η σύγχυσις•
χαίρε, πιστών η άρρηκτος σύναψις.
Χαίρε, δι' ου ιεράρχαι κοσμούνται•
χαίρε, δι' ου μωρολόγοι τροπούνται.
Χαίροις, Πάτερ Νεκτάριε.

Σκέπην σε και προστάτην, πας πιστός ονομάζει, τυχών της παρά σου βοηθείας τις γαρ καλέσας σε ευλαβώς, και ουκ έτυχε της σης Πάτερ χάριτος; άπασι γαρ τάχιστα, τας αιτήσεις δίδως εν τω κράζειν:
Αλληλούια

Των πολλών σου θαυμάτων, εις την σύμπασαν κτίσιν, εξήλθε θεοφόρε ο φθόγγος. Συ γαρ τοις εγγύς και τοις μακράν, τάχος επιφαίνη βοηθών άγιε, και σώζεις κινδυνεύοντας, και προΐστασαι των βοώντων:

Χαίρε, ο μέγας εν θαυμασίοις•
χαίρε, ο ένδοξος εν αγίοις.
Χαίρε, ο αρτίως κυρώσας τα πρόπαλαι•
χαίρε των αρχαίων πατέρων ομόστεφε.
Χαίρε, θρίαμβος της πίστεως, έπαλξις των ευσεβών•
χαίρε έκφανσις της χάριτος, έκπληξις των ασεβων.
Χαίρε, ότι εμφαίνεις αληθείας την δόξαν•
χαίρε, ότι εμφράττεις ανομίας το στόμα.
Χαίρε, χαρά πιστών και κραταίωμα•
χαίρε, ψυχών κλονουμένων έδρασμα.
Χαίρε, δι' ου ο Χριστός εδοξάσθη•
χαίρε, δι' ου ο Σατάν κατησχύνθη.
Χαίροις, Πάτερ Νεκτάριε.

Ύμνον ευχαριστίας, σοι προσάδομεν Πάτερ, σωζόμενοι ταις σαις προστασίαις εν πάση γαρ ανάγκη ημάς, επερχομένων απαλλάττεις θλίψεων διό την σην αντίληψιν, κηρύττομεν Χριστώ βοώντες:
Αλληλούια

Φλέγεις την των δαιμόνων, φρυγανώδη μανίαν, πυρί των ιερών σου θαυμάτων, και ταχύ βοηθών τοις πιστοίς, χαλεπών νόσων σβεννύεις τον καύσωνα, ιώμενος τους πάσχοντας, βοώντας σοι εν κατανύξει:

Χαίρε, η ρώσις των ασθενούντων•
χαίρε η λύσις των δαιμονώντων.
Χαίρε, πυρεσσόντων τελεία απάλλαξις•
χαίρε παρειμένων ταχεία ανόρθωσις.
Χαίρε, ότι εν τω φρέατι ύδωρ βρύεις δαψιλές•
χαίρε, ότι επευλόγησας Αίγιναν ταις σαις ευχαίς.
Χαίρε, ο διανοίξας την Θεού ευσπλαχνίαν•
χαίρε, ο διαλύσας την δεινήν ανομβρίαν.
Χαίρε, πηγή πηγάζουσα χάριτας•
χαίρε, λαμπάς φωτίζουσα άπαντας.
Χαίρε, Μονής της σεπτής σου κοσμήτορ•
χαίρε, των σων υμνητών αντιλήπτορ.
Χαίροις, Πάτερ Νεκτάριε.

Χάρις του Παρακλήτου, δαψιλώς εξεχύθη, τη θήκη των σεπτών σου λειψάνων• όθεν ως αείρρυτος πηγή, αναβλύζει απαύστως τα ιάματα, και αρδεύει Νεκτάριε, θείοις νάμασι τους βοώντας:
Αλληλούια

Ψάλλων παναρμονίως, τον τρισάγιον ύμνον, Θεώ συν τοις χοροίς των αγγέλων, επίβλεψον άνωθεν ημίν, και δίδου πανάγιε τα αιτήματα, τοις πίστει σοι προστρέχουσι, και ου παύουσι του βοάν σοι:

Χαίρε, ο γόνος της Σηλυβρίας•
χαίρε, το κλέος της Εκκλησίας.
Χαίρε, της Αιγίνης το μέγιστον καύχημα•
χαίρε, της Ελλάδος απάσης ωράισμα.
Χαίρε, τύπος και υπόδειγμα των σεπτών ιεραρχών•
χαίρε, σκέπη διάσωσμα ευλαβών μοναζουσών.
Χαίρε, της Εκκλησίας εωσφόρος ο νέος•
χαίρε, της ευσέβειας θεοδώρητον σθένος.
Χαίρε, δι' ου παθών καθαρθήσομαι•
χαίρε, δι' ου Θεώ προσαχθήσομαι.
Χαίρε, πιστών ο προστάτης εν πάσι•
χαίρε καμού πρεσβευτής προς Πλάστην.
Χαίροις, Πάτερ Νεκτάριε.

Ω θεσπέσιε Πάτερ, ορθοδόξων λαμπρότης, Νεκτάριε Χριστού Ιεράρχα (εκ γ') ( Άγιε Ιεράρχα του Χριστού, πρέσβευε υπέρ ημών)• τω θρόνω του Κυρίου παρεστώς, αίτει ημίν των πταισμάτων άφεσιν και την θείαν οικείωσιν, ως αν τω Σωτήρι βοώμεν•
Αλληλούια

Άνθρωπος ουρανόφρων, ανεδείχθης εν κόσμω, Νεκτάριε Χριστού Ιεράρχα, ζωήν γαρ οσίαν διελθών, ακέραιος, όσιος και θεόληπτος, εν πάσιν εχρημάτισας• εντεύθεν παρ’ ημών ακούεις.

Χαίρε, δι’ ου οι πιστοί υψούνται•
χαίρε, δι’ ου οι εχθροί θαμβούνται.
Χαίρε, της σοφίας κρατήρ ο χρυσότευκτος•
χαίρε, της κακίας πρηστήρ ο νεότευκτος.
Χαίρε, οίκος αγιώτατος ενεργείας θειϊκής•
χαίρε, βίβλος θεοτύπωτος πολιτείας της καινής.
Χαίρε, ότι αρτίως ημιλλήθης αγίοις•
χαίρε ότι εμφρόνως εχωρίσθης της ύλης.
Χαίρε λαμπρόν της πίστεως τρόπαιον•
χαίρε, σεπτόν της χάριτος όργανον.
Χαίρε, δι' ου Εκκλησία χορεύει•
χαίρε, δι' ου νήσος Αίγινα χαίρει.
Χαίροις, Πάτερ Νεκτάριε.

Και αύθις το ΠΡΟΟΙΜΙΟΝ

Ήχος πλ. δ'. Τη υπερμάχω.
Ορθοδοξίας τον αστέρα τον νεόφωτον, και Εκκλησίας το νεόδμητον προτείχισμα, ανυμνήσωμεν καρδίας εν ευφροσύνη• δοξασθείς γαρ ενεργεία τη του Πνεύματος, αναβλύζει ιαμάτων χάριν άφθονον, τοις κραυγάζουσι•

Χαίροις, Πάτερ Νεκτάριε.